Gupay katineung Indung Bapa
dina mangsa muka lambaran munggaran
Geulis anaking,…
jimat awaking,! Baheula ….taun katukang,
hidep jadi amanah Allah ka mamah jeung Bapa, dieyong
diayun ambing ku kamelang,
diusapan ditiupan ku kanyaah,
dibingbing dijaring ku kaasih, ditungtun dituyun ku
pangrungrum,
kainggis amanah ti Maha Suci teu kamilik ajen diri.
Ayeuna hidep sakeudeung deui, sanggeus salaki hidep
ngucap ijab Kabul
nu disaksi ku balarea, hidep leupas tina amanah maha
Suci
ka mamah jeung Bapa, sabab hidep geus aya nu
nanggung jawab,
jadi pamajikan salaki hidep.
Mangsa ieu nepi ka bale nyungcung.
Bral… anaking geura miang, tuturkeun salaki hidep,
sing jadi istri sajati nu babakti ka salaki, bari
teu lali ka Gusti.
Bral,….bral anaking geura miang
EmoticonEmoticon